ЖЧ-2022. Еттинчи кун ўзбек дзюдочилари учун медалсиз якунланди

Бугун кун давомида +100 кг вазн тоифасида икки нафар дзюдочимиз - Шоҳруҳ Бахтиёров ҳамда Алишер Юсупов медаль учун курашди. Аёллар ўртасида +78 кг вазн тоифасида беллашувлар ташкил этилди ва мазкур йўналишда Ўзбекистон терма жамоасидан вакил йўқ. 

Вакилларимиз ичида энг яхши натижани Алишер Юсупов қайд этди. У чорак финалгача иккита ғалабага эришди ва чорак финалда имкониятни бой берди. Бронза учун ўтиш баҳсида эса грузиялик рақибга имкониятни бой берди -7-ўрин. 

Шоҳруҳ Бахтиёров эса илк баҳсидаёқ имкониятни бой берди. 

САҲИФАНИ ЯНГИЛАШ

Алишер Юсупов бронза учун ўтиш баҳсида жаҳон чемпиони, Олимпиада финалчиси ҳисобланган грузиялик Гурам Тушишвилига қарши курашди ва имкониятни бой берди. Шу тариқа у жаҳон чемпионатини 7-ўринда якунлади.

Алишер Юсупов чорак финалда нидерландиялик рақибга Golden Score'да ютқазиб қўйди. Энди у бронза медали учун курашади.

Алишер Юсупов чорак финалда ЖЧнинг икки карра совриндори, нидерландиялик Рой Мейерга қарши курашади. Баҳс тахминан 13:15 дан сўнг бошланади. 

Алишер Юсупов бразилиялик рақибини муддатидан олдин мағлуб этди ва чорак финалга чиқди!

Алишер Юсупов навбатдаги жангини бразилиялик Рафаэль Сильвага қарши ўтказади. Ушбу баҳс тахминан 12:35 дан сўнг бошланади. 

Шоҳруҳ Бахтиёров украиналик рақибга ютқазди

Ғалаба билан бошладик: Алишер Юсупов муддатидан олдин қозоғистонлик рақибидан устун келди. 

Вакилларимиз баҳсларни қуйидаги рақибларга қарши бошлашади: 

+100 кг: Шоҳруҳ Бахтиёров - Якив Ҳаммо (Украина)

+100 кг: Алишер Юсупов - Ерассил Кажбаев (Қозоғистон)