Баҳодир Жалолов танқидчиларга кескин жавоб қайтарди

«Кўпчилик мени АҚШда жанг қилганимдан кучсиз боксчига қарши рингга кўтарилди дейди. Ўзбекистон чемпионатида рингга кўтарилсам, нега бу ерда тушмоқдасан дейди. Агар йўқ десам Муллажоновдан қўрқди дейди. Бу ерга келиб жанг қилсам, бу ерда нима бор дейди. Бу гапларим билан нима демоқчиман. Бизни гапираётганлар биз босиб ўтган йўлдан ўтишсин, биз кўрган қийинчиликларни кўрсин. Бизга урилган зарбаларни ҳис қилиб кўришсин. Шуларни қилганидан сўнг гапиришса майли.

Улар фақат интернетда гапиришади. Агар улар мен билан юзма-юз гапиришса, мен уларга чиройли қилиб уларни хато гапираётганини исботлаб бераман. Биз юртимиз учун рингга кўтариламиз. Баъзи инсонларга ўхшаб уйда ғийбат қилиб ўтирганимиз йўқ. Биз ватан учун жанг қиламиз»,-деб фикр билдирди Жалолов "Tigers TV" муҳбири билан суҳбатда.