Абдуғофуров WBC камарини ҳимоя қилади, жанг санаси ва рақиб маълум ФОТО

Енгилмас боксчимиз 18 ноябрь куни Филиппиннинг Пасай Сити шаҳарчасида ўзига тегишли бўлган WBC Silver чемпионлик камарини ҳимоя қилади. Азизбекнинг 12 раундга мўлжалланган чемпионлик ҳимоя жангидаги рақиби хитойлик Вужати Нуерланг бўлади. 

Маълумот учун, Азизбек Абдуғофуров профессионал боксдаги фаолияти давомида 11та жанг ўтказган бўлиб, уларнинг барчасида ғалаба қозонган. Тўртта жангда рақибларини муддатидан аввал нокаутга учратган. 

Чемпионлик камарини шу йилнинг 5 май куни Тошкентда ўтган профессионал бокс кечасида россиялик машҳур боксчи Дмитрий Чудиновни очколар ҳисобига кўра мағлубиятга учратгач қўлга киритган эди.  

Абдуғофуровнинг 18 ноябрь кунги рақиби 22 ёшли Нуерланг эса проф боксдаги фаолитини 2015 йилда бошлаган. Дебюь жангида мағлубиятга учраган. Лекин кейин ўтказган 11та жангида рақибларидан устун келган. Тўққизта жангда рақибларини нокаутга учратган.