Абдуқодир Ҳусанов ва бошқа янги ўйинчиларни таништириш маросими "Этиҳад" ёнидаги ёнғин сабаб бекор қилинди

Кеча оқшом "Манчестер Сити" клубининг уй стадиони "Этиҳад" ёнида ёнғин чиққан. Клуб либослари ва атрибутлари сотиладиган киоскларнинг бирида кутилмаганда ёнғин рўй берган. Ушбу ёнғин ўчирилган. 

Аммо ЕЧЛ охирги туридан ўрин олган "Брюгге"га қарши муҳим баҳсни хавфсиз ўтказиш мақсадида клуб бир неча тадбирларни бекор қилди. Режага кўра ўйиндан олдин Абдуқодир Ҳусанов ва клубнинг бошқа янги ўйинчилари мухлислар билан махсус тадбирда иштирок этишлари керак эди. 

"Манчестер Сити" стадион ёнида ёнғин содир бўлганини тасдиқлайди. Ўйиндаги мухлислар хавфсизлиги биз учун биринчи ўринда туради. Шу сабабли, ўйиндан олдинги баъзи тадбирлар бекор қилинади. Янги ўйинчиларни кутиб олиш, асосий жамоанинг етиб келиши каби тадбирлар бекор қилинди", - дейилади клуб баёнотида.