10 авг 08:05
Янгиликлар
Теннис
Абдураимова АҚШда Папуа Янги Гвинея теннисчисига ютқазди
АҚШнинг Ландисвилл шаҳрида теннис бўйича “Фьючерс” туркумига кирувчи нуфузли турнирнинг асосий тўр баҳслари давом этмоқда.
Соврин жамғармаси 25 000 долларни ташкил қилувчи мусобақада бир йўла икки теннисчимиз – Сабина Шарипова ҳамда Нигина Абдураимованинг иштирок этаётгани ҳақида хабар берган эдик.
Мусобақада биринчи рақам остида таснифланган Шарипова илк даврада беларуслик Вера Лапкога 2:6, 4:6 ҳисобида ютқазганди. Сабинадан кейин Нигина ҳам ўз ракеткасини ғилофига солишга мажбур бўлди.
Абдураимова Папуа Янги Гвинея теннисчиси Тере-Аписа Абигаилга 1:6, 2:6 ҳисобида имкониятни бой берди. Абигаил дунё рейтингида 367, Нигина Абдураимова эса 270-ўринни эгалаб турибди.
Ҳавола :
Манба : olamsport.com
Фикрлар