28 ноя 09:39
Янгиликлар

Теннис

Абдураимова Таиланддаги турнирда чорак финалга чиқди

Таиланднинг Нонтабури шаҳрида теннис бўйича аёллар ўртасида мукофот жамғармаси 15 000 АҚШ долларини ташкил этувчи турнир давом этмоқда.

“Фьючерс” туркумига кирувчи мусобақада ҳамюртимиз Нигина Абдураимова ҳам иштирок этмоқда. У ҳозиргина якунига етган иккинчи давра учрашувида ғалабага эришди.

Абдураимова 1 соату 50 дақиқа давом этган баҳсда америкалик Тира Блекни 6:2, 7:6(5) ҳисобида мағлуб этди ва чорак финалга йўл олди. Энди Нигина чорак финалда турнирнинг биринчи ракеткаси, хитойлик Мейки Гуога қарши кортга чиқади. Бугун Гуо россиялик Эрика Андреевага ҳеч қандай имконият қолдирмади - 6:0, 6:0.