Абдураимовани мағлуб этган теннисчи Дубай турнири чемпиони бўлди

Соврин жамғармаси 100 000 АҚШ долларини ташкил этган мусобақа бош соврини Анастасия Тихоновага насиб этди. Россиялик теннисчи ҳал қилувчи финал учрашувида рейтингда ўзидан юқорида турган нидерландиялик Арианна Хартонони 6/1, 6/4 ҳисобида мағлубиятга учратди. 

Саксон тўрт дақиқа давом этган баҳсда Тихонова 4 та эйс, 6 та брейкка эришиб, 5 та қўшхатога йўл қўйди. Анастасия ярим финалда ҳамюртимиз Нигина Абдураимовани таслим этган эди.