24 окт 15:23
Янгиликлар

Дзюдо

Абу-Даби "Катта Дубулға". Ўразбоев россиялик кучли рақибни енгиб, 1/2 финалга чиқди

БАА пойтахти Абу-Даби шаҳрида дзюдо бўйича "Катта Дубулға" туркумига кирувчи турнир давом этмоқда.

-60 кг вазн тоифасида юртимиз шарафини ҳимоя қилаётган дзюдочимиз Диёрбек Ўразбоев муваффақиятли одимламоқда. Рио-2016 Олимпиадаси совриндори ярим финалга йўл олди.

Ўз иштирокини тўғридан-тўғри иккинчи босқичдан бошлаган Диёрбек туркиялик Михрач Аккуш, учинчи даврада голландиялик Торнике Цакадоеани мағлубиятга учратганди. Ҳозиргина якунига етган чорак финал беллашувида у ушбу вазн етакчиси, россиялик Роберт Мшвидобадзедан мағлуб этишнинг уддасидан чиқди.

Диёрбек Ўразбоевнинг ярим финалдаги рақиби франциялик Валид Хяр бўлади. Иккинчи ярим финал жуфтлигида россиялик Яго Абуладзе ва қозоғистонлик Гусман Киргизбаев ўзаро тўқнаш келади.