30 окт 08:12
Янгиликлар

Дзюдо

Абу-Дабидаги “Катта Дубулға” турнирида битта медал билан чекландик

Бирлашган Араб Амирликлари пойтахти Абу-Даби шаҳрида дзюдо бўйича “Катта Дубулға” туркумига кирувчи нуфузли турнир якунланди.

Тўрт нафар ҳамюртимиз иштирок этган йилнинг нуфузли мусобақасида битта бронза медалига сазовор бўлдик. Турнирнинг биринчи куни -60 кг вазн тоифасида татамига чиққан Шарофиддин Лутфуллаев Ўзбекистон терма жамоасига ана шу ягона бронза медалини тақдим этди.

-73 кг вазн тоифасидаги вакилимиз Ҳикматуллоҳ Тўраев бронза медали учун кечган ўтиш баҳсида мўғулистонлик Одбаяр Гандбаатарга имкониятни бой берди ва 7-ўрин билан кифояланди. Қолган икки спортчимиз Дилшодбек Баратов ва Алишер Худойбердиев омадсизликка учрашди. Абу-Даби турнири Токио-2020 Олимпиадасига қимматли рейтинг очколарини тақдим этгани билан аҳамиятли бўлди.