03 янв 12:10
Янгиликлар
Теннис
Аделаида. Новак Жокович муваффақиятли старт олди
Хабарингиз бор, Австралиянинг Аделаида шаҳрида теннис бўйича АТР-250 сериясига кирувчи турнир бўлиб ўтмоқда.
Жаҳоннинг бешинчи ракеткаси сербиялик Новак Жокович мусобақанинг илк даврасида АТР рейтингида 65-ўринни банд этган франциялик Констан Лестьенни 6/3, 6/2 ҳисобида мағлуб этди.
Учрашув бир соату 16 дақиқа давом этди. Теннисчилар бунгача ўзаро учрашишмаган.
Бу сербиялик теннисчининг ўтган йили мамлакатдан депортация қилинганидан бери Австралиядаги илк яккалик баҳси бўлди. Шундан сўнг у трибунага юзланиб: «Мени орзу қилганимдек кутиб олганингиз учун ташаккур»-деди Жокович.
Adelaide International турнирининг иккинчи даврасида сербиялик теннисчи яна бир франциялик Кантен Гали билан куч синашади.
Ҳавола :
Манба : gotennis.ru
Фикрлар