Аделаидадаги мавсумнинг илк WTA турнирига қуръа ташланди

3-9 январь кунлари оралиғида ўтказиладиган турнирнинг биринчи ракеткаси сифатида сайёрамизнинг биринчи рақамли теннис маликаси Эшли Барти қайд этилди. Австралиялик теннисчи қуръа натижасига кўра иккинчи даврадан баҳсларга киришади ва бу босқичда америкалик Кори Гофф ёки саралашда ютган ракетка усталарининг бири билан тўқнаш келади. 

Дунёнинг иккинчи ракеткаси, беларуслик Арина Соболенко иккинчи босқичда словениялик Кайя Йуван ва франциялик Хлоэ Паке учрашуви ғолибаси билан учрашади. Грециялик Мария Саккари словениялик Тамара Зиданшекка қарши кортга чиқадиган бўлди.

Украиналик теннис маликаси Элина Свитолинанинг рақибаси россиялик Анастасия Гасанова бўлади. Бошқа бир рус теннисчиси Екатерина Александрова эса канадалик Лейла Фернандесга қарши баҳс олиб боради.