Адесанья Чимаевга жавоб қайтарди

"Айни пайтда, у эътибор марказида эмас. Мен уни жиддий қабул қилмайман. Унинг сўнгги жанги менда катта таассурот қолдирди. "Яхши жангчи", - деб ўйладим, лекин бу ўйиннинг ўз даражаси бор. Келинг, у Гилберт Бёрнс билан қандай жанг қилишини кўрамиз.

Мен унинг ўрта вазндаги жангларидан фақат биттасини кўрганман ва сизга айтишим мумкинки, у кўплаб юқори даражадаги ўрта вазнли жангчиларни мағлуб эта олади, аммо бу мен уни жиддий қабул қилишим керак дегани эмас. Мен Пауло Коста билан бўлгани каби у билан ҳам худди шундай воқеа бўлишини ҳис қиляпман", - дея таъкидлаб ўтган Адесанья.

Эслатиб ўтамиз, ўтган ҳафтада Исраэль Адесанья тўртинчи маротаба чемпионлик ҳимоясини муваффиқиятли равишда ўтказди, у Роберт Уиттакерга қарши жангда очколар эвазига ғолиб деб топилди. Хамзат Чимаев эса 9 апрель куни ярим ўрта вазн тоифасининг иккинчи рақамли вакили Гилберт Бёрнсга қарши жанг ўтказиши режалаштирилган.