African Para Taekwondo Open турниридаги муваффақият+ФОТО

Ушбу нуфузли мусобақада 17та мамлакатдан 44 нафар спортчи даянга чиқди. Улар орасида 4 нафар ўзбекистонлик спортчи - Сарваржон Обиджонов, Санжарбек Мухторов, Зиёда Исоқова ва Фарҳод Мамазиеёв ҳам бор эди.

Қувонарлиси, Ўзбекистон Пара таэквондо терма жамоаси аъзолари Африка Очиқ чемпионатида муваффақиятли иштирок этишди. Ҳамюртларимиз 2та олтин ва 2та бронза медали билан умумжамоа ҳисобида кучли учликдан жой олишди.

Фарҳод Мамазиеёв финал баҳсида Конго Демократик Республикаси спортчисини 9:1 ҳисобида мағлуб этиб, олтин медални қўлга киритди. Зиёда Исоқова эса финал баҳсида олтин очко эвазига марокашлик рақибасини 1:0 ҳисобида енгди. 

Маълумот учун, 2020 йили Токиода бўлиб ўтадиган Паралимпия ўйинлари дастуридан пара таэквондо ҳам ўрин олган. Африка Очиқ чемпионати ғолиблари ана шу Паралимпия ўйинлари учун қимматли 20 рейтинг очкосини қўлга киритишди.