Афсоналарнинг 59-учрашуви. Бугун Надаль ва Жокович "Ролан Гаррос" ярим финали учун баҳс олиб боради

Турнирнинг чорак финалига келиб, замонамизнинг икки энг буюк икки теннисчиси ўзаро тўқнаш келадиган бўлди. "Ролан Гаррос" қироли - Рафаэль Надаль ва сайёрамизнинг биринчи ракеткаси Новак Жокович ярим финал чиптаси учун ўзаро баҳс олиб боради. Ҳар икки теннисчининг даражасини теннис мухлислари жуда яхши билишади. Шундан келиб чиқиб бугунги баҳс турнирнинг энг қизиқарли ва муросасиз учрашуви бўлиши аниқ.

Теннисчилар бунгача 58 марта тўқнаш келишган ва ўзаро учрашувлар натижаси ҳозирча сербиялик фойдасига 30-28. Мутахассисларнинг фикрича, Надаль ушбу баҳсда устунликка эга бўлади. Албатта грунт қиролига бу ярашади. Қўшимча қиламизки, Рафаэль "Ролан Гаррос" кортларида 13 бор чемпионликни қўлга киритган. Новак эса амалдаги чемпион ва ўтган йили ярим финалда айнан Рафани мусобақадан чиқариб юборган эди. Жокович "Ролан Гаррос"да икки марта зафар қучган. 

Афсоналарнинг ўзаро 59-баҳсида ким ғалаба қозонади? Буни ўзингиз кўриб гувоҳи бўлинг. Ўйин бугун Тошкен вақти билан 23:45 бошланади.