30 окт 14:28
Янгиликлар

Бокс/ММА

Афсонавий Муҳаммад Алининг набираси проф рингда жанг ўтказди

Филиппин пойтахти Манила шаҳрида бокс афсоналари Муҳаммад Али ва Жо Фрейзер ўртасидаги трилогия ўтказилганига 50 йил тўлиши муносабати билан профессионал бокс кечаси ташкил этилди.

Икки буюк жангчининг ўзаро учинчи жанги "Маниладаги триллер" номи билан машҳур бўлган. Турнир доирасида Муҳаммад Алининг набираси Нико Али-Уолш таиландлик Киттисак Клинсонга қарши жанг рингга кўтарилди.

Ўрта вазн тоифасида саккиз раунд тўлиқ давом этган жангда дуранг натижа қайд этилди. Ҳакамлардан бири ғалабани Клинсонга тақдим этди — 77-75, қолган икки ҳакам эса жанг дуранг натижа билан тугаганини қайд этишди — 76-76.