Аҳмадалиевнинг вазнидаги чемпион - Наоя Иноуэ навбатдаги жангига тайёргарликни бошлади + ФОТО

Айни пайтда биринчи ярим енгил вазн тоифасида WBC ва WBO камарларига эга бўлиб турган Иноуэ WBA ва IBF камарлари соҳиби Марлон Тапалесга қарши жанг қилади. Ушбу баҳс декабрь ойида ўтказилиши кутилмоқда.

"Жиддий спарринглар ва декабрга тайёргарлик вақти келди", - деб ёзди Иноуэ ижтимоий тармоқдаги саҳифасида.

Эслатиб ўтамиз, ҳамюртимиз Муроджон Аҳмадалиев ҳам айнан ушбу вазнда ўз жангларини ўтказади. У ўзига тегишли WBA ва IBF камарларини Марлон Тапалесга бой бериб қўйганди. Агар Аҳмадалиев яна битта жангда ғалаба қозонса, Иноуэ - Тапалес жанги ғолибига қарши рингга кўтарилиш имконига эга бўлади.