03 ноя 08:46
Янгиликлар
Бокс/ММА
AIBA WSB турнирига ҳам ўзгартириш киритди, энди 32 боксчи Олимпиадага боради
Шу кунларда Россия Федерацияси пойтахти Москва шаҳрида Халқаро ҳаваскор боксчилар ассоциацияси (AIBA)нинг Конгресси давом этмоқда.
AIBA Бутунжаҳон бокс сериясининг IX и X мавсумларига ўзгартириш киритди. Унга кўра, 8та вазн тоифасида иштирок этган 32 нафар боксчида ҳам Олимпиадага бориш имконияти пайдо бўлди.
Юқорида кўрсатилган икки WSB мавсумида боксчилар янги тасдиқланган Олимпиада вазнларида рингга кўтарилишади. Жанглар енгил вазн тоифасида - 52 кг, 57 кг, 63 кг, 69 кг, оғир вазнда эса - 75 кг, 81 кг, 91 кг ҳамда 91+ кг.да ўтказилади.
Токио Олимпиадасига квоталар боксчиларнинг шахсий рейтингига қаралади. 2019 йилда старт оладиган WSB турнирида Токио Олимпиадасига 32та йўлланма ўйналади. Бу умумий йўлланмаларнинг 10 фоизидан кўпроғини ташкил қилади.
Камолиддин АЛИМОВ, Москва, Россия Федерацияси
Ҳавола :
Манба : olamsport.com
Фикрлар