Ажойиб! Боксчиларимиз Осиё чемпионатининг кетма-кет учинчи кунини мағлубиятсиз якунлашди, принципиал жангларнинг ҳар иккисида вакилларимиз ғолиб!

Мусобақанинг тўртинчи куни доирасида Ўзбекистон терма жамоасининг жами 10 нафар аъзоси рингга чиқиб, якунда уларнинг барчаси ўз жангларида ғалаба қозонишди.

Эътиборлиси, кечаги беллашувлар давомида икки нафар ҳамюртимиз — Шавкатжон Болтаев ва Ҳалимжон Мамасолиев қозоғистонлик рақибларига қарши баҳс олиб бориб, зафар қучишди. 

Ёдингизда бўлса, Болтаевнинг рақиби Консбеков аввалроқ, Ўзбекистон терма жамоасини тарк этиб, қўшни Қозоғистонга борганди.

Кечаги натижаларимиз:

-60 кг: Одинахон Исмоилова - Жуи-Син Лин (Хитой Тайпейи) 5:0

-50 кг: Беҳруз Холдоров - Ёжун Квак (Жанубий Корея) 5:0

-55 кг: Самандар Олимов - Нима Баяти (Эрон) 5:0

-60 кг: Шохрух Абдумаликов - Моҳаммадамин Карими (Эрон) 5:0

-65 кг: Саят Илясов - Юсака Матсуҳиса (Япония) 5:0

-70 кг: Муҳаммадазизбек Исмоилов - Аян Канга (Сингапур) (2-раундда ТКО)

-75 кг: Шавкатжон Болтаев - Аман Консбеков (Қозоғистон) 4:1

-80 кг: Раҳматулло Бойматов - Эисса Ал Курди (Бирлашган Араб Амирликлари) (2-раундда ТКО)

-85 кг: Абдулазиз Абдураҳмонов - Азим Чоибеков (Қирғизистон) 5:0

+90 кг: Ҳалимжон Мамасолиев - Нурассил Ассилхан (Қозоғистон) (2-раундда ТКО).