12 янв 07:19
Янгиликлар

Бокс/ММА

AKA Thailand зали эгаси Хабибнинг отаси нима учун жангчиларини Таиландга киритмаганини айтди

Собиқ UFC жангчиси, Таиланддаги АКА машғулот зали эгаси Майк Свик Хабибнинг отаси ва мураббийи Абдулманноп Нурмагомедов нима сабабдан ўз шогирдларини Таиландда машғулот қилишга рухсат бермаганини очиқлади.

Бунинг сабаби сифатида у мамлакатга хос бўлиши мумкин бўлган чалғитувчи омилларни келтирди.

"Хабибнинг отаси ҳар доим чалғитувчи омиллар туфайли Таиландга боришда муаммоларга дуч келган, шунинг учун мен Хабиб қачондир келади деб ўйламайман. Эҳтимол Ислам Махачев ва Хабибнинг атрофидаги бошқа яқин дўстлари ҳам бу ерга келмайди.

Бошқа кўплаб доғистонликлар ҳам бизга келишга қарши эмас, аммо Хабибнинг жамоаси бунга рози бўлмайди. Агар улар келишса, жуда яхши бўларди. Зални энди қураётганимизда Хабиб Нурмагомедовга ҳамма нарса ёқарди, у бизни ижтимоий тармоқларда кузатиб борарди. Лекин барибир, биз уни бу ерда кўрмадик. Балки бу бир кун келиб у келар", - деди Red Corner MMA нашрига берган интервьюсида.