29 сен 10:00
Янгиликлар

Оғир атлетика, Аичи-Нагоя-2026

Акбар Жўраев жаҳон рекордини янгилаб, Осиё ўйинлари чемпионига айланди

Японияда XX ёзги Осиё ўйинлари давом этяпти.

Мусобақада оғир атлетика бўйича Ўзбекистон терма жамоаси аъзоси Акбар Жўраев -110 кг вазн тоифасидаги беллашувлар чемпионига айланди.

Жўраев даст кўтариш ва силтаб кўтариш машқлари якунида жами 423 кг натижа қайд этди. Ўзбекистонлик оғир атлетикачи даст кўтаришда 197 кг натижа кўрсатиб, жаҳон рекордини ҳам янгилади.

Акбар Жўраевнинг ғалабасидан сўнг Ўзбекистон делегациясининг Аичи-Нагоя-2026 Осиё ўйинларидаги олтин медаллари сони 13 тага етди.

Делегациямиз айни пайтда умумжамоа медаллар жадвалида 4-ўринда бормоқда.