"Ал Ҳилол" Мессини сотиб олмоқчи. Унга йилига 280 млн евро маош таклиф қилинди

Клуб ҳужумчига йилига 280 миллион евро таклиф қилиши мумкин. Мессининг ПСЖ билан шартномаси жорий мавсум охиригача амал қилади, францияликлар битимни узайтириш борасида музокаралар олиб бормоқда. Агар аргентиналик футболчи "Ал Ҳилол"га ўтишга рози бўлса, шартноманинг катта қисми давлат томонидан молиялаштирилади.

Саудия Арабистони Мессининг трансфери ва Криштиану Роналдунинг "Ал Насср"га ўтиши лигага бўлган қизиқишни оширишига умид қилмоқда. Бу эса мамлакатнинг 2030 йилги Жаҳон чемпионатига мезбонлик қилиш имкониятини оширади. "Ал Ҳилол" ва "Ал Насср" ўртасидаги баҳс Саудия Арабистонининг асосий дербиси ҳисобланади. Бу эрда у "Ар-Рийд дербиси" номини олган.

Эслатиб ўтамиз, Месси Саудия Арабистонининг сайёҳлик элчиси ҳисобланади. У мамлакатга 2022 йилнинг май ойида ташриф буюрган эди.