Алаба танқидчиларга жавоб берди

ФИФА номинациясида у Мессига овоз берди.

ФИФА томонидан йилнинг энг яхши футболчиси номинациясида ПСЖ ва Аргентина терма жамоаси ҳужумчиси Лионель Мессига овоз берган Австрия терма жамоаси сардори Давид Алаба Австрия терма жамоаси барча футболчиларининг фикри инобатга олингани учун шундай қарорга келганини айтди. Алабанинг ўзи "Реал"даги жамоадоши Бенземани энг яхши ҳужумчи деб ҳисоблайди.

"Австрия терма жамоаси бир жамоа бўлиб овоз беради, мен буни ёлғиз қилганим йўқ. Йиғилишда ҳар ким ўз фикрини айтиши мумкин эди, ҳаммаси шундай ҳал бўлди. Барча, айниқса, Карим Бензема унинг ўйинига қанчалик қойил қолишимни билади, буни кўп марта айтганман, бу борада ҳеч нарса ўзгармади. Бунга шубҳа йўқ", – деди Алаба.