"Албатта юта оламан". Волкановски — Топурия билан эҳтимолий реванш ҳақида гапирди

"Агар матчмейкерлар менга Топурия билан жанг таклиф қилишса, албатта қабул қиламан. Лекин бу жангни ҳозир ўзим таклиф қилишим керакми? Йўқ, ҳозир эмас. Чунки мен ҳар доим жангчилар муайян рақибга қарши жанг қилиш имкониятини ўз меҳнати билан топиши керак, деб ишонганман. Шу боис баъзи одамлар мен реванш имкониятини адолатсиз тарзда олдим дейишлари мумкинлигини тушунаман. Балки Илияга қарши жанг қилиш учун яна бир ғалаба керак бўлар. Шунда UFC енгил вазнидаги чемпионлик камари учун ҳақиқий иккинчи имкониятга эга бўламан.

Очиғи, Илия — ҳақиқий даҳшат. Унинг нокаут кучига эга экани доим хавфли. Агар мен у билан яна ўша тактикада жанг қилсам, биринчи жангдаги вазият такрорланиши мумкин. Лекин агар тўғри жанг қилсам, албатта юта оламан. Мен ҳали ҳам ўзимни дунёдаги энг кучли жангчилардан бири деб ҳисоблайман. Шунинг учун реванш жангимиз аввалгисидан мутлақо бошқача бўлади", — деди Волкановски.