20 дек 17:45
Янгиликлар

Бокс/ММА

Алекс Перейранинг эҳтимолий рақиби маълум қилинди

Яримоғир вазн тоифасида амалдаги UFC чемпиони Алекс Перейра рейтингда биринчи ўринни эгаллаб турган Магомед Анкалаев билан жанг қилмаслигини айтганди.

Бразилиялик аралаш яккакураш устаси катта эҳтимол билан навбатдаги чемпионлик ҳимоя жангини Хамзат Чимаевга қарши ўтказади. БАА шарафини ҳимоя қилаётган чечен айни пайтда ўрта дивизион рейтингида учинчи ўринни эгаллаб турибди. Ҳозирча бу маълумот расман тасдиқланмаган.

Лекин вазиятга яқин манбаларнинг аксарияти бу жанг ҳақида хабар беряпти. UFC раҳбари Дана Уайт 2025 йилда мегажанг ташкил этмоқчи экани ва бу ММА мухлисларига катта совға бўлишини айтганди. Дана бу билан Перейра - Чимаев жангига ишора қилган бўлиши ҳам мумкин. Бежизга Алекс Магомед Анкалаев билан жангни рад этмаган.