Александр Овечкин 18 йиллик рекордни янгилади

Россиялик хужумчи Миллий хоккей лигасининг Мунтазам чемпионати доирасидаги "Детройт Ред Уингз" жамоасига қарши учрашувида рақиб дарвозасини ишғол қилди. 39 яшар Овечкин бу йилги мавсумнинг 20 та учрашувида 17 та шайбага муаллифлик қилди. 

Бу билан у 18 йил аввал Брэндан Шэнахан томонидан ўрнатилган рекордни янгилашга муваффақ бўлди. Шэнахан 2006/2007 йилги мавсумда 36 ёшдан катта хоккейчилар ўртасида дастлабки 20 та учрашувда 15 та гол муаллифига айланганди. Ўшанда Брэндан 37 ёшда эди. 

Александр Овечкиннинг Миллий хоккей лигасидаги умумий голлари сони 870 тага етди. Ассистлари сони 707 тани ташкил қилади. У бу натижага 1446 та учрашувда эришган. "Вашингтон" навбатдаги тур учрашувини эртага "Бостон Брюинз"га қарши ўтказади.