02 май 07:17
Янгиликлар

Бокс/ММА

Амирхон Алихўжаевнинг Тошкент турниридаги рақиби эълон қилинди. У Жанубий Америка қитъасидан + ПОСТЕР

Хабар берганимиздек, 11 май куни пойтахтимиз ММА бўйича Octagon 72 мусобақасига мезбонлик қилади.

Ташкилот ахборот хизмати турнирдан ўрин олган навбатдаги жангни расман эълон қилди.

Унга кўра, енгил вазн тоифаси рейтингида бешинчи ўринни эгаллаб турган ўзбекистонлик аралаш яккакураш устаси Амирхон Алихўжаев ушбу мусобақа доирасида октагонга кўтарилади. 26 ёшли ҳамюртимизга "Ҳумо Арена" мезбонлигидаги турнирда бразилиялик Мануэль дос Сантос рақиблик қилади.

Оқшомнинг марказий жанги эса енгил вазннинг ўзбекистонлик чемпиони Достон Бозоров ҳамда тожикистонлик Фазлиддин Мадраҳимов ўртасида кечади.

Маълумот учун, Амирхон Алихўжаев фаолияти давомида ҳозирга қадар 16 та жанг ўтказиб, 11 ғалаба ва 5 мағлубият қайд этган. Мануэль дос Сантос ҳисобида эса 12 ғалаба ва 6 та мағлубият бор.