Ана холос! Octagon 86 марказий жанги яна ўзгарди. Энди Сатурнни асосий жангда кўрамиз!

Оқшомнинг асосий жанги ҳамюртимиз Асадбек Саидов ва енгил вазн чемпиони, қозоғистонлик Саят Абдуали ўртасида кечишии керак эди, бироқ Саидовнинг жароҳат олиши натижасида жанг бекор бўлганди.

Шундан сўнг, Лига ўзбекистонлик Одилхон Камолов ва Тожикистон вакили Камил Каратэ ўртасидаги трилогия баҳсини марказий жанг сифатида белгилади. Аммо Одилхоннинг қўли сингани ва бунинг натижасида турнирда қатнаша олмаслиги маълум бўлди. Кейин кечанинг асосий жанги бошқа бир юртдошимиз — Бобур Абдулазизов ва қозоғистонлик Тазабек Баянов ўртасида кечиши ҳақида хабар берилди.

Аммо Octagon League турнирнинг асосий беллашуви яна ўзгарганини маълум қилинди. Энди main event'да ўзбекистонлик поп-ММА жангчиси Оғабек "Сатурн" Абдумўминов тожикистонлик Қамариддин "Камил Каратэ" Ҳасанов билан тўқнаш келади.