Андрей Рублёв Australian Open учинчи босқичига чиқди

Россиялик теннисчи иккинчи давра учрашувида ATP рейтингида 93-поғонадан жой олиб турган литвалик Ричардас Беранкисни ортиқча қийинчиликсиз мағлуб этди - 6/4, 6/2, 6/0. 

Бир юз етти дақиқа давом этган баҳсда 24 ёшли  Рублёв 13 та, 31 яшар Беранкис эса 2 та эйс зарбасини амалга оширди. Теннисчиларнинг ўзаро учрашувларида Андрей ҳисобда олдинги чиқиб олди - 2:1. Рублёвнинг учинчи босқичдаги рақиби хорватиялик Марин Чилич бўлади. У ўз ўрнида словакиялик Норберт Гомбошдан устун келди.