14 апр 14:02
Янгиликлар

Теннис

Андрей Рублёв Монте-Карло «Мастерс»ининг учинчи босқичига йўл олди

АТР рейтингида саккизинчи ўринни эгаллаб турган россиялик Андрей Рублёв Монте-Карлодаги «Мастерс»нинг иккинчи даврасида дунёнинг 25-ракеткаси, австралиялик Алекс Де Минаурга қарши кортга чиқди.

2 соату 4 дақиқа давом этган учрашувда Рублёв рақибини 2/6, 6/1, 6/4 ҳисобида мағлуб этиб, кейинги босқичга йўл олди.

Ўйин давомида Андрей учта эйс, тўртта брейк ва еттита қўш хатони қайд этди. Алекс эса битта эйс зарбасини амалга ошириб, бир бор қўш хатога йўл қўйди ва уч марта брейкдан унумли фойдаланди.

Рублёвнинг Rolex Monte-Carlo Masters турниридаги навбатдаги рақиби жаҳоннинг 12-ракеткаси, италиялик Янник Синнер бўлади.