Андрей Рублёв учун Рим "Мастерс" якунига етди

Кутилмаганда дунёнинг еттинчи ракеткаси Андрей Рублёв мусобақанинг иккинчи даврасида ATP рейтингида 54-ўринни эгаллаб турган сербиялик Филип Крайиновичга 2/6, 4/6 ҳисобида имкониятни бой бериб, турнирдаги иштирокини муддатидан анча аввал якунлади.

Теннисчилар кортда 70 дақиқа ҳаракат қилишган. Бу вақт оралиғида россиялик 24 ёшли теннисчи 4 та, 30 ёшли серб эса 2 та эйс зарбасини амалга оширган. Шу кунгача теннисчиларнинг ўзаро учрашувларидаги ҳисоб тенг эди - 2:2.