15 авг 17:48
Янгиликлар

Бокс/ММА

Нурсултон Рўзибоев ухлатиб қўйган рус жангчиси UFC билан янги шартнома имзолади

Россиялик ўрта вазн тоифаси вакили Андрей Пуляев UFC промоушени билан шартномасини узайтаришга муваффақ бўлди.

Бу ҳақда 28 ёшли аралаш яккакураш устасининг ўзи ижтимоий тармоқдаги саҳифалари орқали хабар берди. Янги келишув 4 та жангга мўлжалланган.

Қизиғи шундаки, Пуляев охирги иккита жангида мағлубият аламини тотиб кўрганди. Андрей аввалига Атебе Готьега ютқазди. Кейин эса ҳамюртимиз Нурсултон Рўзибоев Боку турнири доирасидаги жангнинг биринчи раундидаёқ Пуляевни бўғиш орқали ухлатиб қўйганди.

Маълумот учун, Андрей Пуляев UFC лигасига Дана Уайт Даъвогарлар турниридаги ғалабаси орқали келганди. Унинг профессионал ММАдаги фаолияти 2022 йилда бошланган.