Андрей Рублёвнинг "Мастерс"даги юриши давом этади

Дунёнинг еттинчи ракеткаси Андрей Рублёв мусобақанинг учинчи босқичига йўл олди. Россиялик теннисчи ATP рейтингида 51-поғонадан жой олиб турган германиялик Доминик Кёпферни 7/5, 6/4 ҳисобида мағлубиятга учратди. 

Бир соату 45 дақиқа давом этган баҳсда 24 ёшли Рублёв 7 та эйс, 4 та брейк-пойнт, битта қўшхато қайд этди. 27 яшар Кёпфер ҳам 4 та эйс зарбасини амалга оширган. Теннисчиларнинг ўзаро учрашувларидаги ҳисоб 2:0 кўринишига келди.