Андрей Шевченко Ига Свёнтекка миннатдорчилик билдирди

“Мен Украина халқига кўрсатган ёрдами учун миннатдорчилик билдирмоқчиман. Шунингдек, Ига Свёнтек ва Роберт Левандовскига Украинага ёрдам беришда қатнашганликлари учун алоҳида раҳмат демоқчиман. У (Свёнтек) жуда ёш, бор-йўғи 21 ёшда, лекин жуда кўп ишларни амалга оширмоқда», - дея Шевченконинг сўзларидан иқтибос келтиради Sportskeeda.

Эслатиб ўтамиз, яқинда Краков шаҳрида (Польша) хайрия учрашуви бўлиб ўтди, унда польшалик собиқ теннисчи Агнешка Радванска, украиналик теннисчи Элина Свитолина, польшалик Ига Свёнтек, украиналик собиқ теннисчи Сергей Стаховский ва Андрей Шевченко иштирок этишди. Свёнтек ва Радванска ўртасидаги баҳс 4:6 ҳисобида якунланди. Минора ҳаками эса украиналик теннисчи Элина Свитолина бўлди. Ушбу тадбирдан тушган барча маблағ украиналик болаларни қўллаб-қувватлаш учун сарфланади.