Чемпион Сильва Шевченкога навбатга туришни таклиф қилди

38 ёшли Шевченко 28 ёшли Сильвани 4 октябрь куни Ван Цун устидан қозонган ғалабаси ва вакант қолган чемпионлик камарини қўлга киритгани билан дарҳол табриклади. "...лекин бўшашма ва камарни асра, тез орада мен унинг ортидан келаман", — деб ёзди Шевченко ижтимоий тармоқларда.

"Аввало, унинг жангни кўришга вақт топгани ёқимли, тўғрими? Қолаверса, дивизионда нималар бўлаётганини кузатишга ҳам вақти бор экан. Биринчидан, у дарҳол хатога йўл қўйди: бу энди унинг камари эмас, бу меники. Мен уни қўлга киритдим", — деди Сильва MMA Fighting нашрига берган интервьюсида.

Бундан ташқари, бразилиялик чемпион Шевченконинг қайтиши ва унинг бошқа даъвогарлардан олдин жанг қилиш ҳуқуқига эга эканлиги ҳақидаги фикрларини пасайтиришга уринди.

"Ростини айтсам, Валентина энди мен учун муҳим эмас, — деди Сильва. — Унинг камари бўлганида мен у билан жанг қилишни хоҳлагандим. Ҳозир эса у менинг рақибим бўладими ёки бошқа бировми, фарқи йўқ. Менга умуман Валентина ҳақида ўйлашнинг кераги йўқ. Агар у қайтганида жанг қилишни хоҳласа, биз рейтинг ва навбатга қарашимиз керак бўлади, чунки яхши натижалар кўрсатаётган ва жанг қилишга лойиқ қизлар бор".