07 июн 10:22
Янгиликлар

Теннис

Анетт Контавейтнинг Турсунов билан ҳамкорлиги тўхтади

Теглар : Анетт Контавейт Дмитрий Турсунов

Россиялик Дмитрий Турсунов эстониялик Анетт Контавейт билан ҳамкорлигини якунланганини маълум қилди.

"Ролан Гаррос" турнири якунларига кўра Контавейт ўз фаолиятида илк бор дунёнинг иккинчи ракеткасига айланди.

"Анеттга биргаликдаги фаолият учун миннатдорлик билдираман. Рейтингда иккинчи ўринга кўтарилгани билан табриклайман. У билан бирга ишлаганимдан фахрланаман ва шу билан бирга ҳамкорлик тўхтаётганидан бироз қайғудаман. Лекин бу ҳаёт ва ҳаммаси яхшиликка", - деб ёзади Турсунов.

Ўтган мавсум Контавейт Дмитрий Турсунов мураббийлигида 4 та WTA совринини қўлга киритди. Якуний WTA турнири финалида ўйнади. Топ-10 рейтингида дебют қилди. Бу йил Санкт-Петербург турнирида чемпион бўлиб, Доҳада финалга қадар етиб борди. Шундан кейин 8 та учрашувнинг 5 тасида мағлубият аламини тотиб кўрди.