26 фев 14:06
Янгиликлар

Футбол

Англия клублари Чемпионлар Лигасида тарих яратди

УЕФА Чемпионлар Лигасининг плей-офф босқичи жавоб ўйинида "Ньюкасл Юнайтед" уйда "Қорабоғ"ни 3:2 ҳисобида мағлуб этиб, умумий 9:3 ҳисоби билан кейинги босқичга чиқди.

"Ньюкасл" УЕФА Чемпионлар Лигасининг 1/8 финалига чиққан олтинчи Англия жамоасига айланди. "Stats Foot" маълумотига кўра, бу — турнир тарихида илк бор олтита инглиз клуби ушбу босқичга етган ҳолат.

1/8 финалда Англия номидан "Манчестер Сити", "Арсенал", "Ливерпуль", "Ньюкасл Юнайтед", "Тоттенхэм" ва "Челси" ўйнайди.

"Қорабоғ"га қарши биринчи ўйинда "ҳаккалар" биринчи таймнинг ўзида бешта гол уриб, 5:0 ҳисобида катта устунликни қўлга киритганди. "Ньюкасл" Чемпионлар Лигаси плей-офф ўйинида танаффусгача 5 голлик устунликка эга бўлган тарихдаги атиги иккинчи жамоа бўлди.