29 июл 20:28
Янгиликлар

Бокс/ММА

Анкалаев Костага "ответ" қилди: "Келаси ҳафтаёқ жанг қилишимиз мумкин"

Ярим оғир вазнда собиқ UFC чемпиони Магомед Анкалаев бразилиялик Пауло Костанинг Богдан Гусков устидан қозонилган ғалабадан сўнг россиялик жангчи чемпионлик имкониятидан кўра ташкилотдан ҳайдалишга яқинроқ экани ҳақидаги баёнотига муносабат билдирди.

"Охирги жангимни ўтказган кунимнинг ўзидаёқ менга сенга қарши жанг таклиф қилишди ва мен бунга рози бўлдим. Энди биламан, сен катта эҳтимол билан менга қарши чиқмаяпсан, шунинг учун баҳона ўйлаб топишинг шарт эмас. Агар бирдан фикрингдан қайтсанг – келаси ҳафтаёқ жанг қилишимиз мумкин", – деб ёзди Анкалаев ижтимоий тармоқлардаги саҳифасида Костага мурожаат қилиб.

Абу-Дабидаги UFC Fight Night 282 турнирининг асосий жангида Богдан Гусков бешинчи раундда техник нокаут билан мағлуб этган Магомед Анкалаев 24 октябрь куни ўша аренада бўлиб ўтадиган UFC 333 турнирида октагонга қайтишга ва Пауло Костага қарши жанг ўтказишга тайёрлигини маълум қилди.

Бразилиялик жангчи аввалроқ, америкалик Халил Роунтри жароҳат олиб, россиялик жангчига қарши баҳсдан чиққанида, қисқа муддат ичида Анкалаев билан жанг қилиш таклифини рад этган эди.