10 апр 08:55
Янгиликлар
Дзюдо
Анталия Гран-приси. Умумжамоа ҳисобида олтинчи бўлдик
Туркиянинг Анталия шаҳри мезбонлик қилган дзюдо бўйича нуфузли Гран-При турнири якунланди.
Ўттиз тўрт давлатдан етакчи дзюдочилар татамига чиққан Анталия Гран-присида Ўзбекистон терма жамоаси ҳам тўлиқ таркибда, аниқроғи 14 нафар дзюдочи билан иштирок этди.
Терма жамоамизга ягона медални Мирзоҳид Фармонов тақдим этди. -73 кг вазн тоифасида ўз имкониятини синовдан ўтказган ҳамюртимиз барча рақибларини мағлубиятга учратиб, олтин медални қўлга киритди.
Ўз вазн тоифаларида Сойиб Қурбонов, Шаҳзодбек Собиров, Диёра Келдиёрова ва Кумуш Йўлдошева 5-ўринни банд этишди. Битта олтин медал, 4та 5-ўрин ва 4та 7-ўринни банд этган дзюдочиларимиз якунда 34 давлат орасида умумжамоа ҳисобида 6-ўринни эгаллашди.
Ҳавола :
Манба : olamsport.com
Фикрлар