27 июн 17:31
Янгиликлар

Енгил атлетика

Анвар Анваровдан навбатдаги рекорд

Хорватиянинг Загреб шаҳрида енгил атлетика бўйича нуфузли "Boris Hanzekovich Memorial" турнири бўлиб ўтди.

Мусобақада юртимиз шарафини ҳимоя қилган Анвар Анваров узунликка сакраш баҳсларида 8.29 метр натижа қайд этиб, олтин медални қўлга киритди. Ушбу натижа орқали янги Ўзбекистон рекорди ҳам ўрнатилди.

Эслатиб ўтамиз Анваровнинг ўзи 2025 йил 12 июлда Финляндиядаги мусобақада 8.25 метр натижа кўрсатиб, мамлакатимиз рекордини ўрнатган эди.

Boris Hanzekovich Memorial. Топ-3:

1. Анвар Анваров — 8.29 м

2. Лука Божич (Сербия) — 8.23 м

3. Тажай Гейл (Ямайка) — 8.18 м

Маълумот учун, World Athletics Continental Tour Gold даражасидаги турнирлар жаҳон енгил атлетикасидаги энг нуфузли мусобақалардан бири ҳисобланади. Унда дунёнинг энг кучли спортчилари ўзаро куч синашади.