28 июл 12:24
Янгиликлар
Бокс/ММА
Апелляциядан сўнг UFC жангчисининг мағлубияти бекор қилинди
Жоржия штати Атлетика комиссияси америкалик Коди Брендейжнинг ҳамюрти Мансур Абдулмалик билан жангидаги мағлубиятини унинг апелляциясидан кейин бекор қилди.
Атланта мезбонлик қилган UFC on ESPN 69 турнирида бўлиб ўтган жанг дастлаб, Абдулмалик фойдасига техник қарор билан якунланганди. Бироқ Брендейж шикоят билан чиқди ва комиссия уни кўриб чиқиб, қоидаларга риоя қилишда хатолик борлигини аниқлади.
Жанг учинчи раунд аввалида бошлар тўқнашуви туфайли тўхтатилганди, шундан сўнг ҳакамлар кўрсаткичлар бўйича қарор қабул қилган. Бироқ комиссия ташкилотчилар очколарни ҳисоблашда учинчи раундни ҳисобга олганлигини аниқлади, бунга Жоржия қонунчилигида рухсат берилмаган.
Шундай қилиб, ҳисоб фақат дастлабки икки раунд натижаларига кўра амалга оширилиши керак эди. Икки ҳакам ҳар бир жангчига биттадан раунд берган ва комиссия бу ҳолатда жанг натижасини дурангга ўзгартирди.
Ҳавола :
Манба : mma.metaratings.ru
Фикрлар