АҚШнинг медаллари сони 50тага етди, терма жамоамиз 58-ўринда!

Терма жамоамиз дзюдочиларимиз Диёрбек Ўрозбоев ва Ришод Собиров қўлга киритган иккита бронза медали билан умумжамоа ҳисобида 207 иштирокчи давлат орасида 58-ўринни эгаллаб турибди. Бир кун аввал биз 49-поғонадан жой олгандик.

Олимпиаданинг еттинчи кунги баҳсларидан сўнг АҚШ терма жамоаси ҳамон медаллар жамғариш бўйича пешқадамликни ўз қўлида сақлаб турибди. Океан орти жамоаси жами роппа-роса 50та медални қўлга киритиб улгурди. Шулардан 20таси олтин, 13таси кумуш, 17таси бронза медалларидир.

Иккинчи ўриндаги Хитой терма жамоасида 13та олтин медал бор. Кумуш медаллар 10тани, бронза эса 14тани ташкил қилмоқда. Еттита олтин, 9та кумуш, 6та бронза медалига эга Буюк Британия терма жамоаси учинчи ўринга кўтарилиб олди. Япония терма жамоаси 7та олтин, 3та кумуш, 14та бронза медали билан тўртинчи ўринни банд этган.

Шу кунгача 39та давлат терма жамоалари камида бир нафар Олимпиада чемпионига эга бўлиб улгурган. Эллик тўртта терма жамоа ҳисобида эса камида биттадан кумуш медал бор. Олтмиш учта мамлакат терма жамоаси эса камида биттадан бронза медалига эга бўлиб турибди.

МЕДАЛЛАР ЖАМҒАРИШ. ТОП-10

1. АҚШ – 50 (20-13-17)

2. Хитой – 37 (13-10-14)

3. Буюк Британия – 22 (7-9-6)

4. Япония – 24 (7-3-14)

5. Жанубий Корея – 13 (6-3-4)

6. Германия – 11 (6-3-2)

7. Россия – 22 (5-9-8)

8. Франция – 17 (5-7-5)

9. Австралия – 18 (5-6-7)

10. Венгрия – 11 (5-3-3)