АҚШнинг медаллари сони 60тага етди, терма жамоамиз 57-ўринда!

Дзюдочиларимиз Диёрбек Ўрозбоев ва Ришод Собиров, боксчимиз Рустам Тўлаганов терма жамоамизга ана шу 3та бронза медалини тақдим этишган. Ўзбекистон спорт делегацияси 3та бронза медали ҳисобига умумжамоа ҳисобида 207 иштирокчи давлат орасида 57-ўринни эгаллаб турибди. Бир кун аввал биз 58-поғонадан жой олгандик.

Олимпиаданинг саккизинчи кунги баҳсларидан сўнг АҚШ терма жамоаси роппа-роса 60та медални қўлга киритиб улгурди. Шулардан 24таси олтин, 18таси кумуш, 18таси бронза медалларидир. Иккинчи ўриндаги Хитой терма жамоасида 13та олтин медал бор. Кумуш медаллар 11тани, бронза эса 17тани ташкил қилмоқда. Ўнта олтин, 13та кумуш, 7та бронза медалига эга Буюк Британия терма жамоаси учинчи ўринни эгаллаб турибди.

Шу кунгача 43та давлат терма жамоалари камида бир нафар Олимпиада чемпионига эга бўлиб улгурган. Эллик олтита терма жамоа ҳисобида эса камида биттадан кумуш медал бор. Олтмиш бешта мамлакат терма жамоаси эса камида биттадан бронза медалига эга бўлиб турибди.

МЕДАЛЛАР ЖАМҒАРИШ. ТОП-10

1. АҚШ – 61 (24-18-19)

2. Хитой – 41 (13-11-17)

3. Буюк Британия – 30 (10-13-7)

4. Германия – 16 (8-5-3)

5. Япония – 24 (7-3-14)

6. Россия – 23 (6-9-8)

7. Австралия – 22 (6-7-9)

8. Италия – 18 (6-7-5)

9. Жанубий Корея – 13 (6-3-4)

10. Франция – 18 (5-8-5)