UZ

Сўнгги янгиликлар

20:17UFC on ESPN 69 турнири жангчилари тарозига чиқди. Усман ва Бакли бир хил вазн кўрсатди 0 19:19Ўзбек телеканаллари Абдуқодир Ҳусанов иштирок этадиган Клублар ўртасидаги ЖЧ намойиш ҳуқуқини қўлга киритди 0 18:46Мутал Назаров жаҳон чемпионатида ҳакамлик қилди 0 18:25Расман: Мозес Итаума Диллиан Уайт билан жанг қилади 0 18:04Маҳмуд Мурадов эртанги жанги олдидан тажрибали рақиби билан юзма-юз келди (ВИДЕО) 0 17:43Дунёнинг энг қиммат футболчиларидан иборат рамзий терма жамоа тузилди 0 17:22Жаҳон чемпионатининг биринчи куни дзюдочиларимиз учун қандай келди? (ФОТОРЕПОРТАЖ) 0 17:01Жастин Гэтжи UFC`га жиддий талаб қўйди 0 16:38Абдел-Азиз: "Махачев - Маддалена жанги шу йил ўтказилади, бу аниқ!" 0 16:04Фати қоладими? "Барселона" "Монако"нинг таклифига қандай жавоб берди? 0 15:43Радукану уч йиллик танаффусдан кейин яна Британиянинг биринчи ракеткаси 0 15:22Қизлар ўртасида гандбол мусобақасининг республика босқичига старт берилди 0 15:01UFC яқин орада Жонс — Аспиналл жанги бекор бўлганини эълон қилади 0 14:36Эшитдик-да! Ўзбекистон терма жамоаси амалдаги Жаҳон чемпионига қарши ўйнайди 0 14:15The Ring супероғир вазнли боксчиларнинг янги рейтингини эълон қилди 0

09 окт 15:02
Янгиликлар

Теннис

Аргентинадан эксклюзив. Тарихий медаль сари йўл

Ўсмирлар Олимпия ўйинларининг кумуш медали соҳиби Улуғбек Рашитов ва унинг мураббийи Павел Хан муваффақиятдан сўнг ўз фикрлари билан ўртоқлашишди.

Эслатиб ўтамиз, таэквондочимиз Буэнос-Айресдаги Олимпиадада Ўзбекистон спорт делегациясига дастлабки медални қўшиб қўйди.

«Биринчи жангимни мўғулистонлик рақибга қарши ўтказиб, 44:3 ҳисобидаги ғалабага эришдим. Ярим финалда Жанубий Корея вакилини 21:10 ҳисобида мағлуб этдим. Финалда бироз омадим келмади ва россиялик таэквондочига 8:11 ҳисобида имкониятни бой бердим. Ярим йил олдин Тунисдаги мусобақада ушбу рақибимни 31:28 ҳисобида мағлуб эта олгандим.

Умуман, жанг давомида рақибимдан ёмон ҳаракат қилганим йўқ. Фақат, ўзимга бўлган ишонч камлик қилди. Финални ҳисобга олмаганда мўғулистонлик спортчига қарши жанг қийин кечди. Аммо, мураббийим билан биргаликда унга қарши тўғри тактика танлай олдик.

Ўсмирлар Олимпия ўйинларидан таассуротларим бир олам. Ёш таэквондочилар бунгача ушбу ўйинларда медаль қўлга киритмаган эдилар. Шу сабабли ҳам бу натижа мен учун тарихий аҳамиятга эга. Бундан фаҳрланаман. Барчага раҳмат, айниқса мураббийимга миннатдорчилик билдираман», – деди Улуғбек.

 

Павел Хан: «Йирик мусобақада совриндор бўлиш учун ватанпарварлик талаб этилади»

«Улуғбек 10 йилдан буён таэквондо билан шуғулланади. Биз ўсмирлар Олимпиадасига қаттиқ тайёргарлик кўргандик. Бу жараёнида Миллий олимпия қўмитаси, Ўзбекистон таэквондо WTF ассоциациясида бизни қўллаб-қувватлади. Фурсатдан фойдаланиб, уларга миннатдорчилик билдираман.

Тайёргарлик ҳақида гапирадиган бўлсам, вазн ташлаш лозим бўлгани учун бу бизга осон кечмади.
Улуғбек ўйинларга лицензияни 7 ой аввал қўлга киритганди. Бу вақт ичида унинг бўйи 5 см га ўсди. Шу сабабли ҳам қийин бўлди. Бундай савиядаги мусобақаларда совриндор бўлиш учун қаттиқ меҳнат қилиш лозим. Мақсад сари олға интилиш ва албатта ватанпарвар бўлиш керак».

Рашитовнинг иштироки таҳлили

«Ҳар бир мусобақадан сўнг биз таҳлил қиламиз. Бу сафарги иштирок ҳақида гапирадиган бўлсам, унда рухий тайёргарлик бўйича камчиликлар кўзга ташланди. Улуғбек кўпроқ мусобақаларда иштирок этиб, ўзига бўлган ишончни ошириши лозим».

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг