11 мар 13:40
Янгиликлар

Теннис

Арина Соболенко Дубай турнири 1/4 финалида

БААнинг Дубай шаҳрида нуфузли WTA турнири давом этмоқда.

Сайёрамизнинг саккизинчи рақамли теннис маликаси Арина Соболенко мусобақанинг чорак финалига йўл олди. Беларуслик теннисчи учинчи босқич учрашувида рейтингнинг 24-поғонасидан жой олган эстониялик Анетт Контавейтни 6/3, 6/2 ҳисобларида мағлубиятга учратди.

Бир соату 4 дақиқа давом этган баҳсда 22 ёшли Соболенко 6 та, 25 яшар Контавейт эса 2 та эйс зарбасини амалга оширди. Арина ўзаро учрашувлардаги ҳисобни йириклаштирди - 3:0. Энди у Dubai Duty Free Tennis Championships турнирининг чорак финалида испаниялик Гарбин Мугурусага қарши кортга чиқади.