Арман Царукян UFC раҳбариятидан узр сўради

Асли келиб чиқиши арманистонлик бўлган аралаш яккакураш устаси узр билан бирга Дана Уайтдан камар учун имконият беришни сўради.

"Дана Уайт ва Хантер Кэмпбелл, мени кечиринг! Менга титул жангини беринг. Мен яхши бола бўламан. Мен энди ҳеч қачон ва ҳеч кимни урмайман, ўзимни яхши тутишга ҳаракат қиламан. Ўқув-машғулот йиғинида ҳамма нарса бўлиши мумкин - ҳар ким жароҳат олиши мумкин. Аммо пойгалар, мухлислар билан муштлашувлар, бош билан зарбалар - булар энди ҳеч қачон қайтарилмайди. Аммо жангга чиқсам, кимдир мени урса - бошқа нима қилишим керак? Мен жавоб беришим керак эди", - деди Арман Даниэль Кормье билан суҳбатда.

Аввалроқ "Ахалкалакес" ўтган ҳафта охирида британиялик Пэдди Пимблеттни мағлуб этиб, вақтинчалик чемпион бўлган америкалик Жастин Гэтжини ўзининг навбатдаги рақиби сифатида кўрмоқчи экани ҳақида хабар берилганди.

Царукян Ислам Махачевга қарши чемпионлик жангидан "ечилиш", мухлислар билан жанжаллашиш ва жанг олдидан Дэн Хукер билан face to face маросимида бош билан зарба бериш каби бир қатор қоидабузарликлар учун чемпионлик жангидан четда қолганди.