27 мар 10:08
Янгиликлар

Бокс/ММА

Арман Царукянга UFC’да рақиб ва жанг санаси белгиланди

UFC енгил вазн тоифаси рейтингида иккинчи ўринни эгаллаб турган Арман Царукян ўзининг навбатдаги жанги қачон ўтказилиши ва рақиби ким бўлишини билиб олди.

Бу ҳақда спорт шарҳловчиси Лаэрте Вианага берган интервьюсида россиялик якка курашчининг мураббийи Маркос "Паррумпиня" Да Матта маълум қилди.

"Жаноб Паррумпиня бугун менга Арман Царукяннинг октагонга қайтиш санаси ва рақиби борлигини айтди. Муаммо шундаки, у исмни айтишдан бош тортди, лекин рақиб аниқ экан, жанг ёзда", - деб ёзди мухбир ижтимоий тармоқда.

Арман Царукян шу ҳафта охирида Тампада бўлиб ўтадиган RAF 7 кураш турнирида иштирок этади. У оқшомнинг асосий беллашувида америкалик Жоржио Пулас билан реванш жангини ўтказади.

Арман UFC’даги сўнгги жангини ўтган йилнинг ноябрь ойида ўтказиб, янги зеландиялик Ден Хукерни иккинчи раундда қўл учбурчаги усулида бўғиб қўйган эди.