Арман Царукяннинг эртанги камар учун кечадиган жангдаги рақиби ўзгарди

Эртага Россия Федерацияси пойтахти Москва шаҳридаги "Динамо" волейбол аренасида ACBJJ 20 турнири ўтказилади. Оқшом доирасида Арман Царукян жиу-житсу бўйича Абдул-Азиз Абдулваҳабовга қарши баҳс олиб бориши керак эди. Лекин Арманнинг рақибидаги муаммо сабаб бу жанг ўтказилмайдиган бўлди.  

Энди унинг ўрнини ACA лигасининг яна бир жангчиси Мехди Байдулаев эгаллайди. Жанг 80 килограммгача вазн тоифасида жиу-житсу қоидалари бўйича ўтказилади ва ғолию ACBJJ чемпионлик камарини қўлга киритади.  

Маълумот учун, 29 ёшли Мехди Байдулаев АСА лигасида 12 та ғалабали серия билан келмоқда. Енгил вазн тоифаси UFC рейтингида биринчи ўринни эгаллаб турган Арман Царукян ноябрь ойида дунёнинг энг кучли лигасидаги ўзининг кетма-кет бешинчи ғалабасини нишонлади. У Қатар турнирила Янги Зеландия вакили Дэн Хукерни қўл учбурчаги ёрдамида таслим этди.