Армен Багдасаров мураббий ва дзюдочилар билан учрашди + ФОТО

Унда Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов, IJF вакили Абдулло Муродов, Олимпия тоифасидаги рефери Рамзиддин Саидов, терма жамоа бош мураббийи Илиас Илиадис, мураббийлар ва дзюдочилар иштирок этди. 

Багдасаров йиғилишда қонун-қоидалардаги баъзи ўзгаришлар, янги тақвимдан ўрин олган мусобақалар, рейтинг баллари тизими ва бошқа муҳим масалалар бўйича қимматли маълумотларни тақдим этди. Мураббий ва дзюдочиларимиз ўзларини қизиқтирган саволларига атрофлича жавоб олишди.