Икки ҳамюртимиз расман IJF Ижроия қўмитаси аъзолигига сайланди

Биз учун аҳамиятлиси, Конгресс доирасида IJF бош бошқарув органи ҳисобланган Ижроия қўмитаси аъзоларининг 2025-2029 йиллар учун таркиби сайланди. Тасдиқланган рўйхатда Ўзбекистон дзюдо федерацияси раиси, Осиё дзюдо иттифоқи вице-президенти Азизжон Камилов ҳамда яна бир ҳамюртимиз IJF Бош рефери директори Армен Багдасаров ҳам бор. Сайловдан кейин улар президиумдаги ўз ўринларини эгаллашди.   

Азизжон Комиловнинг IJF олий бошқарув органига сайланиши Ўзбекистон дзюдо федерацияси учун халқаро алоқаларни мустаҳкамлаш, миллий ташаббусларни илгари суриш учун янги имкониятлар очмоқда. Шунингдек, халқаро мусобақаларни ўтказиш, таълим ва ҳакамлик дастурларини кенгайтириш, ўзбек дзюдо мактаби нуфузини ошириш учун қулай шароит яратмоқда.

Шу тариқа, Ўзбекистон жаҳон дзюдосининг асосий бошқарув органларидан бирида ўзининг икки вакилига эга бўлди, бу эса мамлакатимизнинг халқаро спорт майдонидаги ўрни ошиб, мустаҳкамланиб бораётганини тасдиқлайди.