35 ёшли Забит Магомедшарипов 21 яшар Рауль Росасга қарши жанг қилади

ACBJJ лигаси Забит Магомедшарипов 5 июль куни Москвада бўлиб ўтадиган ACBJJ 21 турнирининг асосий беллашувини расман тасдиқлади. Бироқ россияликнинг рақиби аввалдан айтилганидек, янги зеландиялик Ден Хукер эмас, балки UFC`нинг ўта енгил дивизионида иштирок этувчи америкалик Рауль Росас Жуниор бўлади.

Тадбир хедлайнерлари 70 килограммгача бўлган вазн тоифасида жиу-житсу қоидалари бўйича беллашадилар. Ғолиб "All Stars" камарини қўлга киритади. 

Турнирнинг иккинчи муҳим тадбирида собиқ UFC жангчилари Армен Петросян ва Ринат Фахретдинов 90 килограммгача бўлган вазн тоифасида жиу-житсу қоидалари бўйича жанг ўтказади.

Маълумот учун, 35 ёшли Забит Магомедшарипов аралаш яккакурашдаги профессионал фаолиятини якунлаганини расман эълон қилганидан уч йил ўтиб, февраль ойида ACBJJ лигаси билан шартнома имзолади.

21 ёшли Рауль Росас Жуниор дунёнинг энг кучли лигасида бешта ғалабали серияда бормоқда. Ўз вақтида UFC`нинг энг ёш жангчиси бўлган Росас апрель ойида америкалик Сан-Паулудаги Hype Brazil турнирида иштирок этиб, бразилиялик Дэйвесон Фигередо билан грепплинг бўйича дуранг натижа қайд этганди.